విప్ అంద లేదంటున్న వల్లభనేని వంశీ

తనకు ఎలాంటి విప్ అందలేదని టీడీపీ ఎమ్మెల్యే వల్లభనేని వంశీ అన్నారు. రాజ్యసభ ఎన్నికల్లో వల్లభనేని వంశీ ఓటింగ్ లో పాల్గొన్నారు. తాను ఆత్మప్రభోదం మేరకే ఓటు వేశానని చెప్పారు. తాను ఓటుపై చంద్రబాబుకు వివరంగా అందులో రాశానని వల్లభనేని వంశీ తెలిపారు. టీడీపీ నావను ధర్మాడి సత్యం కూడా కాపాడలేరన్నారు. అది మునిగిపోయే నావగా వల్లభనేని వంశీ చెప్పారు. తనను పార్టీ నుంచి సస్పెండ్ చేశారని, తనకు విప్ ఎలా వర్తిస్తుందని తెలిపారు. అసలు రాజ్యసభ ఎన్నికల్లో విప్ వర్తించదని ఆయన చెప్పారు. గెలిచే సమయంలో షావుకార్లకు, ఓడే సమయంలో వర్ల రామయ్య లాంటి వాళ్లకు చంద్రబాబు సీట్లు ఇస్తారన్నారు. చంద్రబాబు ఇప్పటికైనా తన చెంచాలను పక్కన పెట్టాలని వల్లభనేని వంశీ చెప్పారు.