పవన్ పై రోజా రివర్స్ ఎటాక్

జనసేన అధినేత పవన్ కల్యాణ్ పై వైసీపీ ఎమ్మెల్యే రోజా ఫైరయ్యారు. జగన్ వంద రోజుల పాలనపై పవన్ కల్యాణ్ విమర్శలు చేయడాన్ని రోజా ఖండించారు. జగన్ ఇలాగే నిర్ణయాలు తీసుకుంటే ఇటీవల జరిగిన ఎన్నికల్లో 151 సీట్లు ప్రజలు ఇచ్చారని, ఈసారి ఆ సంఖ్య రివర్స్ అవుతుందని పవన్ కల్యాణ్ అనడాన్ని రోజా ఎద్దేవా చేశారు. పవన్ కల్యాణ్ కు అసలు ఏమీ తెలియదన్నడానికి ఇదే నిదర్శనమన్నారు. 151ను రివర్స్ చేస్తే 151 వస్తుందన్న విషయం కూడా పవన్ కు తెలియకపోవడంపై సెటైర్ వేశారు. ఆయనకు గత ఎన్నికల్లో వచ్చిన ఒక్క సీటును రివర్స్ చేసినా ఈసారికూడా అంతే వస్తుందని రోజా చమత్కరించారు. చంద్రబాబు ఇచ్చిన స్క్రిప్ట్ నే పవన్ కల్యాణ‌్ ఎన్నికలకు ముందు నుంచి చదువుతున్నారని, జగన్ వందరోజుల పాలనపై ఎన్టీఆర్ ట్రస్ట్ భవన్ లో ముద్రించిన పుస్తకానికి పవన్ కల్యాణ్ కవర్ పేజీ మార్చి విడుదల చేశారని చమత్కరించారు.