జగన్ ఆఖరి కేక ఇదే…!!

చంద్రబాబు ప్రచారం కోసం అద్దెకు తీసుకువచ్చిన నేతలతో ఒక్కరితో అయినా ఏపీకి ప్రత్యేక హోదాకు మద్దతు ఇస్తున్నట్లుగా ప్రకటన ఇప్పించారా అని వైసీపీ అధినేత వై.ఎస్. జగన్మోహన్ రెడ్డి ప్రశ్నించారు. మంగళవారం ఆయన తిరుపతిలో చివరి ఎన్నికల ప్రచారసభలో మాట్లాడుతూ… ఆంధ్రప్రదేశ్ కు ప్రత్యేక హోదాకు మద్దతు ఇస్తున్నట్లుగా స్వయంగా కేసీఆర్ ప్రకటించినా చంద్రబాబు, పవన్ కళ్యాణ్ మాత్రం కనీసం స్వాగతించడం లేదన్నారు. కేసీఆర్ తో తనకు పడదు కాబట్టే కేసీఆర్ ప్రత్యేక హోదాకు మద్దతు ఇచ్చినా చంద్రబాబు తిడుతున్నారని పేర్కొన్నారు. తొమ్మిదేళ్లుగా పేదవారికి ఏ కష్టమొచ్చినా తానే కనపడ్డానని, వారికి అండగా ఉన్నానని అన్నారు. తాము అధికారంలోకి వస్తే తీసుకువచ్చే నవరత్నాలతో ప్రజల జీవితాల్లో సంపూర్ణ మార్పు వస్తుందన్నారు. ఎన్నికల ప్రచారంలో చివరిగా ఫ్యాన్ గుర్తుకే ఓటేయ్యాలంటూ జగన్ ఆఖరిగా కేకపుట్టించారు.