Fact Check: مہیش بابو کے بیٹے گوتم نے ٹی ڈی پی کے نشان کا کھنڈوا نہیں پہنا، وائرل تصویر ترمیم شدہ ہے

اس پس منظر میں اداکار مہیش بابو اور ان کے بیٹے گوتم گھٹمانینی کی ایک تصویر سوشل میڈیا پر بڑے پیمانے پر گردش کر رہی ہے۔ تصویر میں گوتم نے پیلے رنگ کا کھنڈوا پہنا ہوا ہے جس پر تلگو دیشم پارٹی (ٹی ڈی پی) کے جھنڈا کا نشان لگا ہوا ہے۔ سوشل میڈیا صارفین نے تصاویر شیئر کرتے ہوئے لکھا کہ 'پیغام واضح ہے'

وائرل تصاویر میں ایک اوورلے متن بھی ہے: “మహేష్ బాబు కూడా TDP ఎరా”

ترجمہ: "مہیش بابو بھی ٹی ڈی پی کے حامی ہیں"

فیکٹ چیک:

ہم نے پایا کہ یہ دعویٰ غلط ہے۔ گوتم کی کھنڈوا پہنی تصویر میں ٹی ڈی پی پرچم کا لوگو شامل کرکے حقیقی تصویر میں ترمیم کی گئی ہے۔ اصل تصویر میں گوتم نے اپنی گریجویشن تقریب کے لئے پیلے رنگ کا کھنڈوا پہنا تھا جس پر آئی ایس ایچ (انٹرنیشنل اسکول آف حیدرآباد) کا لوگو بنا ہوا ہے۔

وائرل پوسٹ کے کمنٹس سیکشن میں ، నేనింతే నేనింతే نامی صارف نے وائرل تصویر سے ملتی جلتی ایک اور تصویر شیئر کی۔ اس تصویر میں مہیش بابو اپنی بیوی نمرتا شیروڈکر، ان کے بیٹے گوتم اور ان کی بیٹی ستارہ کے ساتھ نظر آرہے ہیں۔ اس تصویر میں گوتم نے پیلے رنگ کا کھنڈوا پہنا ہوا ہے لیکن اس پر مختلف لوگو ہے۔

محتاط مشاہدہ کرنے پر یہ واضح ہوتا ہے کہ وائرل تصویر کا کھنڈوا اور اصل تصویر میں شامل لوگو بالکل مختلف ہے۔ فیملی کی تصویر میں، ہمیں گوتم کے کھنڈوے پر " 2024 ISH " لکھا ہوا ملا۔

جب ہم نے وائرل تصویر ڈاؤن لوڈ کی اور ریورس امیج سرچ کیا تو ہمیں پتہ چلا کہ مہیش بابو نے اس تصویر کو اپنے سوشل میڈیا پر شیئر کیا تھا جس کے کیپشن میں لکھا تھا: 'میرا سینہ فخر پھول گیا ہے! بیٹا آپ کو گریجویشن مبارک ہو! اب آپ اپنی زندگی کا اگلا باب لکھنا شروع کردو اور میں جانتا ہوں کہ آپ پہلے سے کہیں زیادہ خاندان کا نام روشن کروگے. اپنے خوابوں کو پورا کرتے رہو اور یاد رکھو، آپ ہمیشہ ہمارے دل میں ہو! آج مجھے @gautamghattamaneni کے والد ہونے پر فخر ہے۔"

اسی پوسٹ میں ہمیں پتہ چلا کہ مہیش بابو نے گوتم کی تصاویر اور ایک ویڈیو شیئر کی ہے۔ اس پوسٹ میں گوتم نے آئی ایس ایچ لوگو کے ساتھ چھپا ہوا کھنڈوا پہن رکھا ہے۔ ویڈیو میں گوتم کو اسی یونیفارم کے ساتھ ڈگری حاصل کرتے ہوئے بھی دیکھا جا سکتا ہے۔ جب ہم نے آئی ایس ایچ کی ورڈس تلاش کئے تو ہمیں پتہ چلا کہ یہ ایک تعلیمی ادارہ ہے جس کا نام "انٹرنیشنل اسکول آف حیدرآباد" ہے۔ آئی ایس ایچ نے اپنی ویب سائٹ پر اسکول کا لوگو شامل کیا ہے، جو گوتم کے لوگو سے میل کھاتا ہے۔

ریورس امیج سرچ کے دوران ہمیں یہ بھی پتہ چلا کہ کئی میڈیا ویب پیجز نے ایک ہی تصویر شیئر کی تھی۔ 

27 مئی، 2024 کو ہندوستان ٹائمز نے ایک مضمون شائع کیا جس کی سرخی تھی "مہیش بابو، نمرتا شیروڈکر بیٹے گوتم کی گریجویشن تقریب میں شریک ہوئے: 'میں جانتا ہوں کہ آپ پہلے سے کہیں زیادہ ترقی کروگے'

نیوز 18 کے مطابق "مہیش بابو نے بیٹے گوتم گھٹمانینی کی گریجویشن تقریب میں شرکت کی: 'مجھے آج اپنے بیٹے پر فخرہے'

لہٰذا، ہماری تحقیقات اور کئی میڈیا رپورٹس کی بنیاد پر، ہم نے پایا کہ وائرل تصویر میں ترمیم کی گئی تھی۔ مہیش بابو کے بیٹے گوتم نے گریجویشن کی تقریب میں شرکت کے دوران آئی ایس ایچ لوگو کے ساتھ پیلے رنگ کا کھنڈوا پہنا ہوا تھا۔