మరోసారి ఆనందయ్య మందు వివాదం

అయితే ఏపీ ప్రభుత్వం మాత్రం ఈ మందుకు అనుమతి లేదని చెబుతున్నారు. ఆయుష్ శాఖ దీనిని ఆయుర్వేద మందుగా పరిగణించడం లేదని తెలిపింది. ప్రజలు ఎవరూ దీనిని నమ్మి మోసపోవద్దని ఆయుష్ శాఖ తెలిపింది. ఆ మందు పనిచేస్తుందని ఎటువంటి ఆధారాలు లేవని ఆయుష్ శాఖ చెబుతుంది. ఆనందయ్య మాత్రం తన పసరు మందు పనిచేస్తుందని చెబుతున్నారు. ఆనందయ్య ఇచ్చే కంటి మందు వల్ల ప్రమాదం ఉందని, మిగిలిన పసరుమందుతో ఎలాంటి ప్రమాదం లేదని ఆయుష్ శాఖ తెలిపింది. వారు తమ శాఖకు దరఖాస్తు చేసుకుంటే పరిశీలించి నిబంధనలకు లోబడి అనుమతిస్తామని ఆయుష్ శాఖ వెల్లడించింది. తాను ప్రజలకు ఉచితంగా మందు ఇస్తున్నానని, ఎవరిని మోసం చేయడం లేదని ఆనందయ్య చెబుతున్నారు.