తిరుమల శ్రీవారి దర్శనానికి ఎన్ని కంపార్ట్మెంట్లలో వేచి ఉన్నారంటే?

తిరుమలలో గురువారం భక్తుల రద్దీ సాధారణంగా ఉంది. టోకెన్ రహిత సర్వదర్శనం కోసం భక్తులు 21 కంపార్టుమెంట్లలో వేచి ఉన్నారు. శ్రీవారి సర్వదర్శనానికి 14 గంటల సమయం పడుతోంది. బుధవారం తిరుమల శ్రీవారిని 77,120 మంది భక్తులు దర్శించుకుని మొక్కులు చెల్లించుకున్నారు. నిన్న శ్రీవారి హుండీ ఆదాయం 3.39 కోట్ల రూపాయలు వచ్చినట్టు తిరుమల తిరుపతి దేవస్థానం అధికారులు తెలిపారు. స్వామివారికి 34,463 మంది భక్తులు తలనీలాలు సమర్పించారు. అంత‌ర్జాతీయ యోగా దినోత్స‌వాన్ని పుర‌స్క‌రించుకుని బుధ‌వారం తిరుమ‌ల‌లోని ఆస్థాన మండ‌పంలో తిరుమ‌ల తిరుప‌తి దేవ‌స్థానం సిబ్బంది, భ‌క్తులు, శ్రీ‌వారి సేవ‌కుల‌కు 2 గంట‌ల పాటు యోగలో శిక్ష‌ణను ఇచ్చారు. ఈ కార్య‌క్ర‌మాన్ని ఇండో టిబెటన్ బోర్డ‌ర్ పోలీస్ ఫోర్స్ ఆధ్వ‌ర్యంలో చేప‌ట్టారు.