IMPS: డబ్బులు పంపేవారికి గుడ్‌న్యూస్‌.. ఫిబ్రవరి 1 నుంచి మరింత సులభం

IMPS: మీరు ఆన్‌లైన్‌లో డబ్బు పంపుతున్నట్లయితే మీకో శుభవార్త. తక్షణ చెల్లింపు సర్వీస్‌ అయితన IMPS ద్వారా కేవలం రూ. 1-2 లక్షలు మాత్రమే కాకుండా రూ. 5 లక్షల వరకు సులభంగా పంపవచ్చు. దీని కోసం మీరు మీ ఫోన్ బ్యాంకింగ్ లేదా నెట్ బ్యాంకింగ్‌లో లబ్ధిదారున్ని జోడించాల్సిన అవసరం లేదు. మీరు ఎవరికి డబ్బు పంపాలనుకుంటున్నారో వారి పేరు, మొబైల్ నంబర్ మీ వద్ద ఉంటే ,చాలు ఎలాంటి వివరాలు లేకుండా సులభంగా ఐదు లక్షల రూపాయల వరకు టన్సాక్షన్‌ చేయవచ్చు.

ప్రస్తుత నిబంధనల ప్రకారం, IMPS ద్వారా పెద్ద మొత్తాన్ని పంపడానికి లబ్ధిదారుని పేరు, బ్యాంక్ ఖాతా నంబర్, IFSC కోడ్‌ను నమోదు చేయడం అవసరం. ఈ ప్రక్రియకు కొంచెం ఎక్కువ సమయం పడుతుంది. అయితే కొత్త నిబంధనల అమలు తర్వాత మీరు డబ్బులు పంపుకోవచ్చు.

ఫిబ్రవరి 1 నుంచి ఈ మార్పు

దీని కోసం NPCI అక్టోబర్ 31 న ఒక సర్క్యులర్ జారీ చేసింది. ఇప్పుడు ఫిబ్రవరి 1 నుండి, IMPS నియమాలు కూడా మారబోతున్నాయి. దీని ఆధారంగా ఒక వ్యక్తి ఏ లబ్ధిదారుడి పేరును జోడించకుండా 5 లక్షల రూపాయల వరకు నిధులను బదిలీ చేయవచ్చు. ప్రస్తుతం లబ్ధిదారుల వివరాలను జోడించే వరకు నిధులను బదిలీ చేయడం సాధ్యం కాదు. కానీ ఇప్పుడు మరింత సులభంగా మారబోతోంది.

ప్రయోజనాలు ఏమిటి?

ఇప్పుడు మీరు బ్యాంక్ ఖాతాదారు మొబైల్ నంబర్‌ను జోడించడం ద్వారా డబ్బు పంపుకోవచ్చు. ఓక ఖాతా నుండి మరొక ఖాతాకు బదిలీ చేయవచ్చు.

మీరు IMPS ద్వారా డబ్బును ఎలా పంపవచ్చు?

☛ మీ మొబైల్ బ్యాంకింగ్ యాప్‌ని తెరవండి.

☛ మీరు ప్రధాన పేజీకి వెళ్లడం ద్వారా 'ఫండ్ ట్రాన్స్‌ఫర్' ఎంపికపై క్లిక్ చేయాలి.

☛ తదుపరి ప్రాసెసింగ్ కోసం ఫండ్‌ బదిలీ కోసం 'IMPS' పద్ధతిని ఉపయోగించండి.

☛ లబ్ధిదారుని MMID (మొబైల్ మనీ ఐడెంటిఫైయర్), MPIN (మొబైల్ పర్సనల్ ఐడెంటిఫికేషన్ నంబర్) నమోదు చేయండి.

☛ యాప్‌లో మీరు బదిలీ చేయాలనుకుంటున్న డబ్బును నమోదు చేయండి.

☛ అన్ని వివరాలను తనిఖీ చేసిన తర్వాత, తదుపరి కొనసాగించడానికి నిర్ధారించుపై క్లిక్ చేయండి.

☛ ఈ లావాదేవీని ప్రామాణీకరించడానికి మీ మొబైల్‌కు వచ్చిన OTPని నమోదు చేయండి.

☛ ఈ ప్రక్రియ ద్వారా మీరు రూ.5 లక్షల వరకు డబ్బును బదిలీ చేసుకోవచ్చు.