ఫ్యాక్ట్ చెక్: బంగ్లాదేశ్ కు కొత్త జాతీయ గీతం వచ్చిందంటూ జరుగుతున్న ప్రచారంలో ఎలాంటి నిజం లేదు.

బంగ్లాదేశ్ జాతీయ గీతం, 'అమర్ సోనార్ బంగ్లా' ను రాసింది రవీంద్రనాథ్ ఠాగూర్. ఆయనే  భారతదేశ జాతీయ గీతాన్ని కూడా రాశారు. అమర్ సోనార్ బంగ్లాను 1905లో రాశారు. ఈ గీతం బెంగాల్ మొదటి విభజన సమయంలో రూపొందించారు. బెంగాల్ విభజన సమయంలో ఈ జాతీయ గీతాన్ని రాశారు. సమైక్య బెంగాల్ స్ఫూర్తిని పునరుజ్జీవింపజేయడానికి ‘అమర్ సోనార్ బంగ్లా’ వంటి పాటలు కీలక పాత్ర పోషించాయి. మొదటిసారిగా సెప్టెంబర్ 1905లో బెంగాలీ సాహిత్య పత్రికలో అమర్ సోనార్ బంగ్లా కనిపించింది.

ఇక రాజకీయ ఒడిదుడుకుల కారణంగా తీవ్ర ఇబ్బందులు ఎదుర్కొంటున్న బంగ్లాదేశ్‌ ప్రపంచ బ్యాంకు సాయం కూడా కోరింది. ప్రస్తుతం అక్కడి పరిస్థితులు సద్దుమణిగినట్లు తాత్కాలిక ప్రభుత్వం వెల్లడించింది. ఆర్థిక మద్దతు కోసం ఐఎంఎఫ్‌, ప్రపంచ బ్యాంక్‌, ఏబీడీలు తమకు నిధులు ఇవ్వాలని విజ్ఞప్తి చేసింది.

బంగ్లాదేశ్‌లోని పరిస్థితులపై ప్రధాని నరేంద్ర మోదీతో అమెరికా అధ్యక్షుడు జో బిడెన్ చర్చించారు. బిడెన్ నుండి ఫోన్ కాల్ అందుకున్న ప్రధాని మోదీ ఇటీవలి ఉక్రెయిన్ పర్యటన గురించి చర్చించారు. శాంతిని పునరుద్ధరించడానికి భారతదేశం పూర్తి మద్దతును ఇస్తుందని మోదీ పునరుద్ఘాటించారు.

ఇద్దరు నాయకులు బంగ్లాదేశ్‌లో పరిస్థితి గురించి కూడా అభిప్రాయాలను పంచుకున్నారు. బంగ్లాదేశ్ లో శాంతిభద్రతల పునరుద్ధరణ, మైనారిటీలకు, ముఖ్యంగా హిందువుల భద్రతకు భరోసా కల్పించడంపై కూడా చర్చించారు. బంగ్లాదేశ్ లో ఆగస్ట్ 5న షేక్ హసీనా పాలన పతనం తర్వాత హిందువులు, ఇతర మైనారిటీలపై జరుగుతున్న దాడుల అంశాన్ని బంగ్లాదేశ్ తాత్కాలిక ప్రభుత్వంతో భారతదేశం ప్రస్తావించింది. దేశంలోని పౌరులందరి హక్కులను పరిరక్షించడానికి కట్టుబడి ఉన్నామని బంగ్లాదేశ్ తాత్కాలిక ప్రభుత్వం భారత ప్రభుత్వానికి హామీ ఇచ్చింది.

ఇలాంటి పరిస్థితులు ఓ వైపు ఉండగా బంగ్లాదేశ్ జాతీయ గీతాన్ని మార్చేశారంటూ సోషల్ మీడియాలో పోస్టులు వైరల్ అవుతూ ఉన్నాయి.