అభిప్రాయం కోసమే.. సినిమా చెయ్యమని కాదు

దిల్ రాజు 96 రీమేక్ జాను సినిమా రేపు శుక్రవారం ప్రేక్షకులముందుకు రాబోతుంది. నిన్నటివరకు సైలెంట్ గా ఉన్న జాను టీం ఇప్పుడు సినిమా విడుదలయి సమయం దగ్గరపడేకొద్దీ.. ప్రమోషన్స్ లో జోరు చూపిస్తుంది. సమంత ఇంటర్వ్యూ, ఆమె అందం, సమంత స్పెషల్ ప్రమోషన్స్ అన్ని సినిమాపై ఆసక్తిని పెంచుతున్నాయి. టీజర్, ట్రైలర్ చూసి కాస్త డల్ అయినా ప్రేక్షకులు ఇప్పుడు జాను సినిమాపై క్యూరియాసిటీ పెంచుకున్నారు. అయితే 96 ఫస్ట్ కాపీ చూసి రీమేక్ చెయ్యాలని డిసైడ్ అయినప్పుడే దిల్ రాజు ఈ సినిమాని ఒరిజినల్ డైరెక్టర్ చేతే రీమేక్ చేయించాలని డిసైడ్ అవ్వడమే కాదు.. నాని, బన్నీ లను పిలిచి స్పెషల్ గా 96 సినిమాని చూపించాడట. అయితే అప్పట్లో దిల్ రాజు నాని, బన్నీ లను 96 రీమేక్ చెయ్యమని అడిగితె.. వాళ్ళు ఒప్పుకోలేదు కాబట్టే శర్వా ని హీరో గా తీసుకున్నారనే న్యూస్ బాగా ప్రచారం లోకొచ్చింది.

అయితే తాజాగా దిల్ రాజు బన్నీ, నాని లను 96 రీమేక్ చెయ్యమని అడగలేదని, అసలు నాని రీమేక్స్ చెయ్యడని, అతను రీమేక్స్ చెయ్యడం ఇష్టపడడని, అలాగే బన్నీ రేంజ్ సినిమా జాను కాదని అందుకే వారికీ సినిమా చూపించి జస్ట్ రీమేక్ చేస్తున్నా మీ అభిప్రాయం చెప్పమని మాత్రమే అడిగానని చెబుతున్నాడు దిల్ రాజు. ఇక ఈ సినిమా కి సమంత నే హీరోయిన్ అని ముందే అనుకున్నా అని, ఇక శర్వానంద్ ని అడగ్గానే నా మీద గౌరవంతో 96 రీమేక్ చెయ్యడానికి ఒప్పుకున్నాడని చెబుతున్నాడు. అంతేకాకుండా 96 డైరెక్టర్ జాను సినిమా చెయ్యడానికి ఒప్పుకున్నాడని, అలాగే 96 ని చెడగొట్టకుండా యాజిటీజ్ గా తీసినా తెలుగు ప్రేక్షకులకు దగ్గరయ్యేలా… చిన్న చిన్న మార్పులు మాత్రం చేశా అని చెబుతున్నాడు. మరి దిల్ రాజు నమ్మకాన్ని జాను ఏ మేర నిలబెడుతుందో చూడాలి