కీర్తి డెసిషన్.. ఎలా ఉంది..?

మహానటి సావిత్రి జీవితకథ ఆధారంగా తెరకెక్కిన చిత్రం మహానటి. ఈ బయోపిక్ లో కీర్తి సురేష్ సావిత్రి పాత్రలో నటించింది. అయితే ఇప్పుడు కీర్తి మరో బయోపిక్ లో నటించనుంది. కానీ ఇందులో కీర్తిది లీడ్ పాత్ర కాదు. ఒక ఫుట్ బాల్ కోచ్‌ కి భార్య పాత్రలో కనిపించనుంది. సయ్యద్‌ అబ్దుల్‌ రహీమ్‌ అనే ఓ దిగ్గజ ఫుట్‌బాల్‌ కోచ్‌ జీవిత కథగా తెరకెక్కుతున్న ఈ సినిమాను బాలీవుడ్ దర్శకుడు అమిత్‌ శర్మ దర్శకత్వంలో రూపొందుతుంది. ఈ చిత్రంలో కీర్తి హీరోయిన్ గా సెలెట్ అయింది.

సౌత్ ఇండస్ట్రీలో కలిసొస్తుందని…

ఫుట్ బాల్ కోచ్‌ కథలో హీరోయిన్‌ రోల్‌ ఏ మాత్రం ఉంటుందనేది ఊహించవచ్చు. బాలీవుడ్ సినిమా అవకాశం కాబట్టి కీర్తి ఏమాత్రం నిర్లక్ష్యం చేయకుండా ఓకే చెప్పిందట. అటు మూవీ మేకర్స్ కీర్తిని తీసుకోవడం వల్ల దక్షిణాది మార్కెట్లో ఆమె వల్ల సినిమాకి కాస్త అడ్వాంటేజ్‌ ఉంటుందని భావిస్తున్నారు. మహానటి సినిమా తరువాత కీర్తి తన ఇమేజ్ కి తగ్గ పాత్రలే చేయాలని డిసైడ్ అయ్యి చాలా సెలెక్టెడ్ గా సినిమాలు చేస్తుంది. చూడాలి బాలీవుడ్ ఎంట్రీ కీర్తి కి ఎలా ఉండబోతుందో.