సినిమా ఇండస్ట్రీ మీద పడతారేంటి: చిరంజీవి

వాల్తేరు వీరయ్య 200 రోజులు ఆడినందుకు సంతోషంగా ఉందని మెగాస్టార్ చిరంజీవి అన్నారు. ఈ విజయానికి గుర్తుగా షీల్డు అందుకున్నందుకు ఒళ్లు పులకరిస్తోంది. చరిత్రను మళ్లీ తిరగరాసినట్లుందని అన్నారు. మెగా స్టార్ చిరంజీవి పొలిటికల్ టచ్ కూడా తన స్పీచ్ లో ఇచ్చారు. మీలాంటి వాళ్లు ప్రత్యేక హోదా గురించి గానీ, రోడ్ల నిర్మాణం గురించి గానీ, ప్రాజెక్టులు గురించి గానీ, పేదవారికి కడుపు నిండే విషయంగానీ, ఉద్యోగ , ఉపాధి అవకాశాలు కల్పించడం వాటి గురించి ఆలోచించాలి. మీలాంటి పెద్దవాళ్ళు ఇలాంటి విషయాల గురించి ఆలోచించి రాష్ట్రాన్ని డెవలప్ చేస్తే అందరూ మీకు తల వంచి నమస్కరిస్తారు. అంతేగాని పిచ్చుక మీద బ్రహ్మాస్త్రంలా సినిమా ఇండస్ట్రీ మీద పడతారేంటని అనకండి. ఇదేదో పెద్ద సమస్యలా చూపించకండి అని అన్నారు. ఇటీవల ఏపీలో బ్రో సినిమా కలెక్షన్స్ వివాదం సంచలనంగా మారిన సంగతి తెలిసిందే..! ఇలాంటి సమయంలో బాస్ ఇలాంటి కామెంట్లు చేశారు. చిరంజీవి నటించిన భోళా శంకర్ సినిమా ఆగస్టు 11న విడుదల కాబోతోంది.