జాన్ గురించి మాట్లాడిన ప్రభాస్..!

ప్రస్తుతం ప్రభాస్ సాహో షూటింగ్ లో బిజీగా ఉన్నాడు. ఈ సినిమాతో పాటు ప్రభాస్ జిల్ ఫేమ్ రాధాకృష్ణ డైరెక్షన్ లో ఓ సినిమా చేస్తున్నాడు. పారిస్ బ్యాక్ డ్రాప్ లో 1920ల నాటి కథతో రూపొందుతున్న ఈ సినిమాకు జాన్ అనే టైటిల్ ను ఫిక్స్ చేసారు. ప్రభాస్ కు జోడిగా తొలిసారిగా పూజా హెగ్డే హీరోయిన్ గా నటిస్తుంది. ఇన్నాళ్లూ ఇది ఒక రొమాంటిక్ డ్రామాగా అంతా భావించారు. కానీ ఇది కూడా యాక్షన్ సినిమానే అంటున్నాడు ప్రభాస్. ఓ నేషనల్ మీడియా సంస్థకు ఇచ్చిన ఇంటర్వ్యూలో ప్రభాస్ ఈ సినిమా గురించి ప్రస్తావించాడు.

ఇది కూడా యాక్షన్ మూవీనే…

జాన్ సినిమాలో రొమాన్స్, లవ్ ఉన్నప్పటికీ సినిమాలో 50 శాతం యాక్షన్ కూడా ఉంటుందని తెలిపాడు. తన ఫ్యాన్స్ తన నుండి ప్రస్తుతం యాక్షన్ చిత్రాలే కోరుకుంటున్నారని అందుకే బ్యాక్ టు బ్యాక్ యాక్షన్ చిత్రాలే చేస్తున్నానని చెప్పాడు. ఇక ఈ సినిమాను కూడా యూవీ క్రియేషన్స్ వారే నిర్మించనున్నారు. కాకపోతే కృష్ణంరాజుకు చెందిన గోపీకృష్ణ మూవీస్ సహ నిర్మాణం చేయనుంది. వచ్చే ఏడాది సంక్రాంతి కానుకగా ఈ చిత్రం విడుదల అవుతుందని టాక్ నడుస్తుంది. పూర్తి వివరాలు త్వరలోనే తెలియనున్నాయి.