ICC WC 2023: 6.4 ఓవర్లలో 338 పరుగులు చేయలేకపోయిన పాక్
ఐసీసీ ప్రపంచ కప్ టోర్నమెంట్‌లో నిలవాలంటే ఇంగ్లండ్‌తో భారీ తేడాతో గెలవాలని పాకిస్థాన్ ఆశించింది.
ఐసీసీ ప్రపంచ కప్ టోర్నమెంట్‌లో నిలవాలంటే ఇంగ్లండ్‌తో భారీ తేడాతో గెలవాలని పాకిస్థాన్ ఆశించింది. అయితే ఇంగ్లండ్ కెప్టెన్ జోస్ బట్లర్ టాస్‌ గెలిచిన తర్వాత తొలుత బ్యాటింగ్ చేయాలని నిర్ణయించుకున్నాడు. దీంతో భారత్‌తో జరిగే తొలి సెమీ-ఫైనల్‌కు చేరే అవకాశాన్ని పాకిస్థాన్ వదులుకుంది. ఇక పాకిస్థాన్ కు కేవలం 6.4 ఓవర్లలో 338 పరుగుల లక్ష్యాన్ని ఛేదించాల్సి వచ్చింది. పాక్ ఇన్నింగ్స్ ప్రారంభమైన 3 ఓవర్లలోనే ఓపెనర్లు అబ్దుల్లా షఫీక్, ఫఖర్ జమాన్ అవుట్ అవ్వడంతో పాక్ టెక్నీకల్ గా కూడా టోర్నమెంట్ నుండి అవుట్ అయింది.
ఇంగ్లండ్ మొదట బ్యాటింగ్ చేసి నిర్ణీత 50 ఓవర్లలో 9 వికెట్లకు 337 పరుగులు చేసింది. ఇన్నింగ్స్ లో బెన్ స్టోక్స్ టాప్ స్కోరర్ గా నిలిచాడు. స్టోక్స్ 76 బంతుల్లో 11 ఫోర్లు, 2 సిక్సులతో 84 పరుగులు చేశాడు. రూట్ 60 పరుగులతో రాణించాడు. కెప్టెన్ జోస్ బట్లర్ 27 పరుగులు చేయగా యువ బ్యాటర్ హ్యారీ బ్రూక్ 17 బంతుల్లో 2 ఫోర్లు, 2 సిక్సులతో 30 పరుగులు చేశాడు. చివర్లో విల్లీ 5 బంతుల్లో 2 ఫోర్లు, 1 సిక్స్ తో 15 పరుగులు చేశాడు. పాకిస్థాన్ బౌలర్లలో హరీస్ రవూఫ్ 3, షహీన్ అఫ్రిది 2, మహ్మద్ వసీం జూనియర్ 2, ఇఫ్తికార్ అహ్మద్ 1 వికెట్ తీశారు.