విరాట్ కోహ్లీ తన కెప్టెన్సీలో ఆడాడని అంటున్న పొలిటీషియన్

బీహార్ మాజీ ముఖ్యమంత్రి లాలూ ప్రసాద్ యాదవ్ కుమారుడు, రాజకీయ నాయకుడు తేజస్వీ యాదవ్ తన క్రికెట్ ప్రయాణం గురించి చేసిన వ్యాఖ్యలు సోషల్ మీడియాలో వైరల్ అవుతూ ఉన్నాయి. RJD నాయకుడు తేజస్వి యాదవ్ భారత క్రికెట్ గ్రేట్ విరాట్ కోహ్లీ తన కెప్టెన్సీలో ఆడాడని చెప్పుకొచ్చాడు. తేజస్వి యాదవ్ ఒకప్పుడు మంచి క్రికెటర్ గా పేరు తెచ్చుకున్నాడు. ఐపీఎల్ లో కూడా ఆడాడు.

నేను క్రికెటర్‌ని, దాని గురించి ఎవరూ మాట్లాడరు. నా కెప్టెన్సీలో విరాట్ కోహ్లి ఆడాడని తేజస్వీ చెప్పుకొచ్చాడు. ఆ విషయం గురించి ఎవరైనా ఎప్పుడైనా మాట్లాడారా? వారు మాట్లాడరు? ప్రొఫెషనల్‌గా నేను మంచి క్రికెట్ ఆడాను. చాలా మంది టీం ఇండియా ఆటగాళ్లు నా బ్యాచ్‌మేట్స్ అని తెలిపాడు తేజస్వీ యాదవ్. తన రెండు లిగమెంట్లు ఫ్రాక్చర్ కావడంతో, క్రికెట్ ను విడిచిపెట్టాల్సి వచ్చిందని జీ మీడియాకు ఇచ్చిన ఇంటర్వ్యూలో తేజస్వీ యాదవ్ చెప్పుకొచ్చాడు. తేజస్వీ యాదవ్ చేసిన వ్యాఖ్యలు సోషల్ మీడియాలో వైరల్‌గా మారింది.