Malla Reddy : మాస్ డ్యాన్స్‌తో అదరగొట్టిన మల్లారెడ్డి

మాజీ మంత్రి మల్లారెడ్డి మనవరాలు వివాహం త్వరలో జరగనుంది. మల్లారెడ్డి అల్లుడు రాజశేఖర్ రెడ్డి కుమార్తె వివాహానికి సంగీత్ కార్యక్రమం నిన్న సాయంత్రం జరిగింది. సంగీత్ ఫంక్షన్ లో మల్లారెడ్డి డ్యాన్స్ దుమ్ము దులిపారు. చాలా పాటలకు ఆయన డ్యాన్స్ వేసి అందరినీ అలరించారు. దీంతో చూసేవారందరూ రిపీట్ అంటూ గోల చేయడంతో పాటు ఈలలు, కేకలతో ఆ ప్రాంతం దద్దరిల్లిపోయింది. మల్లారెడ్డి ఎప్పుడూ హుషారుగానే ఉంటూ అందరి దృష్టిలో పడతారు. అందుకే మల్లారెడ్డి వెరీ వెరీ స్పెషల్ అంటారు అందరూ.