నేడు కీలక తీర్పు

ఎమ్మెల్యేల కొనుగోలు కేసులో నేడు హైకోర్టు తీర్పు వెలువరించనుంది. ఈ కేసును సీబీఐకి ఇవ్వాలన్న పిటీషన్లపై విచారించిన హైకోర్టు తీర్పును వెలువరించనుంది. ఇప్పటికే హైకోర్టులో ఇరువర్గాల వాదనలు ముగిశాయి. బీజేపీ నేతలు ఈ కేసును సీబీఐ చేత విచారించాలని కోరుతుండగా, ప్రభుత్వం మాత్రం ప్రత్యేక దర్యాప్తు సంస్థ చేత ఇప్పటికే విచారణకు ఆదేశించామని తెలిపింది. కేసు ప్రాధమిక దశలోనే ఉంది కాబట్టి సీబీఐకి అప్పగించాలని పిటీషన్ దారులు వాదించారు. దీనిపై ఎలాంటి తీర్పు వెలువడనుందోనన్న ఉత్కంఠ సర్వత్రా నెలకొంది.