Summer Effect : మాడు పగిలిపోతుంది...బయటకు పోతే ఇక అంతే

తెలంగాణలో ఎండల తీవ్రత ఎక్కువగా ఉంది. అత్యధిక ఉష్ణోగ్రతలు నమోదవుతున్నాయి. ఏప్రిల్ నెలలోనే రోహిణి కార్తెను తలపిస్తుంది. ఉదయం ఎనిమిది గంటల నుంచే ఎండల తీవ్రత ఎక్కువగా ఉండటంతో ప్రజలు బయటకు రావడానికే భయపడిపోతున్నారు. నిప్పులు చెరిగే ఎండలతో పాటు వేడి గాలులు ప్రజలను హడలెత్తిస్తున్నాయి. ఒక్కసారిగా ఉష్ణోగ్రతలు పెరగడంతో ప్రజలు అనేక అవస్థలు పడుతున్నారు. మరో ఐదు రోజుల పాటు ఉష్ణోగ్రతలు మరింత పెరిగే అవకాశముందని భారత వాతావరణ శాఖ తెలిపింది.