సోము వల్ల ఏమీ కాదా?

బీజేపీలో పార్టీ అధ్యక్షుడి నిర్ణయమే కీలకమైనా ఢిల్లీ నుంచి వచ్చిన ఆదేశాలతోనే పార్టీ నడుస్తుంది. ప్రధానంగా ఇంతకు ముందులా కాదు. మోదీ, అమిత్ షాల నేతృత్వంలో రెండు సార్లు కేంద్రంలో అధికారంలోకి వచ్చింది. ఈ కారణంగానే అభ్యర్థుల ఎంపిక నుంచి, మ్యానిఫేస్టో, పొత్తులతో పాటు ఆయా రాష్ట్రాల్లో ముఖ్యమంత్రుల ఎంపిక కూడా వారి ఇద్దరి కనుసన్నల్లోనే జరుగుందన్నది యదార్ధం. పార్టీ పొలిటి బ్యూరో అన్నది నామమాత్రమే. ఎన్నికల తర్వాత ముఖ్యమంత్రి అభ్యర్థిని ప్రకటిస్తారు. ఎన్నికలకు ముందు ఆ యా రాష్ట్రాల పరిస్థితులను అనుసరించి పొత్తులపై వారిద్దరే నిర్ణయం తీసుకుంటారు. జాతీయ అధ్యక్షుడు జేపీ నడ్డా కూడా ఉత్సవ విగ్రహమేనని చెప్పాలి. మోదీ, షాలు చెప్పినట్లు తలాడించడం వల్లనే ఆయనకు రెండోసారి పదవి రెన్యువల్ లభించిందనడంలో అతిశయోక్తి లేదు.