బ్రేకింగ్ : ఏపీలో టీడీపీకి భారీ షాక్..!

ఎన్నికల వేళ ఆంధ్రప్రదేశ్ లో తెలుగుదేశం పార్టీకి భారీ షాక్ తగిలేలా ఉంది. టీడీపీకి చెందిన కడప జిల్లా రాజంపేట ఎమ్మెల్యే మేడా మల్లిఖార్జున్ రెడ్డి ఆ పార్టీని వీడి వైఎస్సార్ కాంగ్రెస్ పార్టీలో చేరనున్నారు. ఈ మేరకే ఆయన ఇప్పటికే వైసీపీ నేత విజయసాయిరెడ్డితో చర్చలు జరిపారు. త్వరలోనే ఆయన జగన్ సమక్షంలో వైసీపీలో చేరుతారని తెలుస్తోంది.

మూడునెలల క్రితమే ప్రచారం జరిగినా…

మూడు నెలల క్రితమే ఈ మేరకు ప్రచారం జరిగినా చంద్రబాబు నాయుడు బుజ్జగింపుతో ఆయన తన నిర్ణయాన్ని వాయిదా వేసుకున్నారు. ఇప్పుడు ఆయన చేరిక ఖాయమైంది. ఈ విషయాన్ని కడప జిల్లాకు చెందిన తెలుగుదేశం పార్టీ నేతలు ముఖ్యమంత్రి దృష్టికి కూడా తీసుకెళ్లారు. కడప జిల్లాలో టీడీపీ తరపున గెలిచిన ఏకైక ఎమ్మెల్యే మేడ మల్లిఖార్జున్ రెడ్డి. అయినా తనకు పార్టీలో, ప్రభుత్వంలో ప్రాధాన్యత ఇవ్వడం లేదనే అసంతప్తిలో ఉన్నారు.