బ్రేకింగ్ : వైసీపీలోకి మరో కీలక నేత

వైసీపీలో చేరికలు కొనసాగుతున్నాయి. ఆంధ్రప్రదేశ్ లో అధికారంలోకి వచ్చిన తర్వాత ముఖ్యనేతలందరూ వైఎస్సార్ కాంగ్రెస్ వైపు చూస్తున్నారు. ఇటీవలే టీడీపీ నేత జూపూడి ప్రభాకర్ రావు వైసీపీలో చేరిన సంగతి తెలిసిందే. తాజాగా ఆంధ్రప్రదేశ్ ఎస్సీ, ఎస్టీ కమిషన్ మాజీ ఛైర్మన్ కారెం శివాజీ వైసీపీ పార్టీలో చేరనున్నారు. ఈరోజు ముఖ్యమంత్రి వైఎస్ జగన్ సమక్షంలో కారెం శివాజీ పార్టీలో చేరనున్నారు. ఇంగ్లీష్ మీడియం ప్రాధమిక పాఠశాలల్లో ప్రవేశపెట్టడాన్ని కారెం శివాజీ ఇటీవల సమర్థించారు. ఏపీ ఎస్సీ, ఎస్టీ కమిషన్ ఛైర్మన్ పదవికి కారెం శివాజీ నిన్న రాజీనామా చేశారు. మరికొద్దిసేపట్లో కారెం శివాజీ వైసీపీ తీర్థం పుచ్చుకోనున్నారు.