మరో ఛార్జిషీట్లోనూ కవిత పేరు

ఒబెరాయ్ హోటల్ లో ఎంపీ మాగుంట శ్రీనివాసరెడ్డి సమావేశాన్ని ఏర్పాటు చేసినట్లు పేర్కొన్నారు.ఈహోటల్ లో శరత్ చంద్రారెడ్డి, అభిషేక్, బుచ్చిబాబు సమీర్ మహేంద్రును కలిసినట్లు ఈడీ తెలిపింది. వీరంతా కలసి శరత్చంద్రారెడ్డికి చెందిన ప్రత్యేక విమానంలో హైదరాబాద్ వెళ్లారని,అనంతరం జరిగిన మీటింగ్లో కవిత, అరుణ్ పిళ్లై, దినేష్ అరోరా, విజయ్ నాయర్ పాల్గొన్నారని ఈడీ ఛార్జిషీట్ ల పేర్కొంది. ఇండో స్పిరిట్స్ లో ఎల్ 1 కింద వచ్చిన షాపుల్లో కవితకు వాటా ఉందని, ఇండో స్పిరిట్ కు 192 కోట్లు లాభం వచ్చిందని తెలిపింది. శరత్చంద్రారెడ్డికి చెందిన ఐదు రిటైల్ జోన్లలను అభిషేక్ రావు నడిపిస్తున్నారని తెలిపింది. కవిత తన పది ఫోన్లను ధ్వంసం చేశారని కూడా ఛార్జిషీట్ లో తెలిపింది.