హెచ్‌సీఏ పై పోలీసులు సీరియస్

గేట్లు తోసుకుని ఒక్కసారిగా రావడంతో తొక్కిసలాట జరిగింది. దాదాపు ఇరవై మందిని ఆసుపత్రికి చికిత్స నిమిత్తం తరలించారు. ఒక్కసారిగా తోపులాట జరగడంతో పూర్తిగా టిక్కెట్ కౌంటర్ ను పోలీసుల మూసివేయించారు. నగరంలో నాలుగు చోట్ల టిక్కెట్ల విక్రయిస్తే కొంత రద్దీ తగ్గేది అన్నది పోలీసు అధికారులు చెబుతున్నారు. హెచ్‌సీఏ నిర్లక్ష్యం కారణంగానే ఈ తొక్కిసలాట జరిగిందని పోలీసులు సీరియస్ అవుతున్నారు. పోలీసులు లాఠీ ఛార్జి చేయడంతో కొంత పరిస్థితి అదుపులోకి వచ్చింది. తొక్కిసలాటలో గాయపడిన ఏడుగురు యశోద ఆసుపత్రిలో చికిత్స పొందుతున్నారు.