రఘురామకు నోటీసులు.. పదిహేను రోజుల్లోగా?

వైఎస్సార్ కాంగ్రెస్ పార్టీ రెబల్ ఎంపీ రఘురామ కృష్ణరాజుకు స్పీకర్ కార్యాలయం నుంచి నోటీసులు అందాయి. వైసీపీ చేసిన ఆరోపణలపై సమాధానాలివ్వాలని కోరింది. పార్టీ వ్యతిరేక కార్యక్రమాలకు పాల్పడుతున్నారంటూ రఘురామ కృష్ణరాజుపై వైసీపీ ఫిర్యాదు చేసిన నేపథ్యంలో ఈ నోటీసులు జారీ అయ్యాయి. పదిహేను రోజుల్లోగా వివరణ ఇవ్వాలని రఘురామ కృష్ణరాజును స్పీకర్ కార్యాలయం కోరింది. రఘురామ కృష్ణరాజుతో పాటు పార్టీ వ్యతిరేక కార్యక్రమాలకు పాల్పడుతున్నారన్న ఆరోపణలను ఎదుర్కొంటున్నారు టీఎంసీ సభ్యులకు కూడా నోటీసులు జారీ అయ్యాయి.