లోకేష్ పై వంశీ విసుర్లు

జయంతికి, వర్ధంతికి తేడా తెలియని వాళ్లు సయితం తనపై సోషల్ మీడియాలో అసత్య ప్రచారం చేస్తున్నారని గన్నవరం ఎమ్మెల్యే వల్లభనేని వంశీ లోకేష్ ను ఉద్దేశించి అన్నారు. లోకేష్ తనపై తన చేతుల్లో ఉన్న సోషల్ మీడియా ద్వారా వ్యక్తిత్వ హననానికి దిగారన్నారు. తాను పార్టీకి రాజీనామా చేశానని, అయితే జగన్ కు మద్దతు పలుకుతున్నానని తెలిపారు. తాను అవసరమైతే ఎమ్మెల్యే పదవికి రాజీనామా చేస్తానని తెలిపారు. చంద్రబాబుకు తన ఇబ్బందులను ఎన్నిసార్లు చెప్పినా పట్టించుకోలేదన్నారు. తాను నిర్ణయం తీసుకున్న తర్వాత మాత్రమే చంద్రబాబు స్పందించారన్నారు. తాను వారసత్వ రాజకీయాల నుంచి వచ్చిన వాడిని కాదన్నారు. తన తండ్రి టీచర్ గా పనిచేశారని, అనుకోకుండా రాజకీయాలకు వచ్చానన్నారు. గత ఐదేళ్లలో తాను బాగనే పనిచేశానని అనుకుంటున్నానని వంశీ చెప్పారు. లోకేష్ లాగా తాను తండ్రిని అడ్డం పెట్టుకుని రాజకీయాలు చేయడంలేదన్నారు.