అందుబాటులోకి రాని వంశీ

మరికాసేపట్లో తెలుగుదేశం పార్టీ కృష్ణాజిల్లా విస్తృత స్థాయి సమావేశం జరగనుంది. టీడీపీ అధినేత చంద్రబాబు నాయుడు అధ్యక్షతన జరగనున్న ఈ సమావేశంలో నియోజకవర్గాల వారీగా సమీక్షలు జరపనున్నారు. అయితే గన్నవరం నియోజకవర్గంపై ఈ సమావేశంలో లోతుగా చర్చ జరిగే అవకాశముంది. ఈ సమావేశానికి గన్నవరం ఎమ్మెల్యే వల్లభనేని వంశీ దూరంగా ఉండాలని నిర్ణయించుకున్నట్లు చెబుతున్నారు. వల్లభనేని వంశీ ఫోన్ లోకి కూడా టచ్ లోకి రాలేదు. టీడీపీ నేతలు ఎంతప్రయత్నిస్తున్నప్పటికీ వల్లభనేని వంశీ అందుబాటులోకి రాలేదు. గన్నవరం నుంచి మాత్రం కొందరు టీడీపీ నేతలు ఈ సమావేశానికి హాజరయ్యే అవకాశముందంటున్నారు. వల్లభనేని వంశీ హైదరాబాద్ లో ఉన్నట్లు తెలుస్తోంది. ఆరోగ్యం బాగా లేకపోవడంతో పరీక్షల కోసం ఆయన హైదరాబాద్ వెళ్లినట్లు వల్లభనేని వంశీ అనుచరులు చెబుతున్నారు.