సీబీఐ విచార‌ణ‌కు వైసీపీ డిమాండ్‌

వైఎస్ వివేకానంద‌రెడ్డి హ‌త్య‌పై సీబీఐ లేదా సిట్టింగ్ జ‌డ్జితో విచార‌ణ జ‌రిపించాల‌ని వైఎస్సార్ కాంగ్రెస్ పార్టీ డిమాండ్ చేసింది. వైసీపీ నేత మ‌ల్లాది విష్ణు మాట్లాడుతూ… జ‌మ్మ‌లమ‌డుగు ఇంఛార్జిగా వివేకానంద‌రెడ్డి ఉన్నార‌ని, ఆయ‌న హ‌త్య‌పై అనుమానాలు ఉన్నాయ‌న్నారు. ఈ హ‌త్య వెనుక మంత్రి ఆదినారాయ‌ణ‌రెడ్డి హ‌స్తం ఉండ‌వ‌చ్చ‌ని ఆయ‌న అనుమానాలు వ్య‌క్తం చేశారు. పైకి అభివృద్ధి వాదిగా చెప్పుకునే చంద్ర‌బాబుకు హ‌త్యారాజ‌కీయాలు చేయ‌డం కొత్తేమీ కాద‌న్నారు. స్వ‌తంత్ర ద‌ర్యాప్తు సంస్థ‌తో ఈ కేసును విచారించి నిజాల‌ను నిగ్గు తేల్చాల‌న్నారు.