ఉచితంగా ఏపీలో మెడిసిన్స్ డోర్ డెలివరీ

ఆంధ్రప్రదేశ్ ప్రభుత్వం ప్రజలకు మరో గుడ్ న్యూస్ చెప్పింది. ఫేజ్‌–2 జగనన్న ఆరోగ్య సురక్ష కార్యక్రమంలో భాగంగా గుర్తించిన వ్యాధిగ్రస్తులకు మందులు నేరుగా ఉచితంగా డోర్‌ డెలివరీ చేస్తామని ఏపీ ప్రభుత్వం తెలిపింది. మందులు అయిపోతే వాటి కోసం ఎక్కడికీ వెళ్లాల్సిన అవసరం లేదు.. ఆన్‌లైన్‌లోనే ఇండెంట్‌ తీసుకుని విలేజ్‌ క్లినిక్స్‌ నుంచి ఏఎన్‌ఎంలు ద్వారా బాధితులకు చేరుస్తామని సమాచార, పౌర సంబంధాలు, బీసీ సంక్షేమ శాఖల మంత్రి చెల్లుబోయిన శ్రీనివాస వేణుగోపాలకృష్ణ తెలిపారు. తపాలా శాఖ సహాయంతో వేగంగా, డబ్ల్యూహెచ్‌ఓ, జీఎంపీ ప్రమాణాలు కలిగిన మందుల పంపిణీ చేస్తామని.. ఇందుకోసం ప్రత్యేక ఎస్‌ఓపీ రూపొందించామన్నారు. సూపర్‌ స్పెషాల్టీ సేవలందించే వైద్యులకు రూ.4 లక్షల వరకూ జీతాలు ఇస్తున్నాం. వైద్యశాఖలో 53 వేల పోస్టులను భర్తీ చేసి దాదాపు జీరో వేకెన్సీని తీసుకొచ్చామని.. గత ప్రభుత్వం పెండింగ్‌లో పెట్టిన రూ.668 కోట్ల ఆరోగ్యశ్రీ బకాయిలను కూడా చెల్లించామన్నారు.