24 గంటల్లో మరో అల్పపీడనం.. నాలుగురోజులు కుంభవృష్టి ?

ఉత్తరాంధ్ర-దక్షిణ ఒడిశా తీరాలకు ఆనుకుని వాయవ్య, పశ్చిమ మధ్య బంగాళాఖాతంలో ఏర్పడిన అల్పపీడనం బలహీనపడి.. ప్రస్తుతం ఉపరితల ఆవర్తనంగా కొనసాగుతుందని వాతావరణ శాఖ వెల్లడించింది. దీని ప్రభావంతో ఏపీలో అక్కడక్కడా, తెలంగాణలోని కొన్ని జిల్లాల్లో మోస్తరు నుంచి భారీ వర్షాలు కురుస్తున్నాయి. మరో మూడు రోజులపాటు ఈ ఆవర్తనం ప్రభావం తెలంగాణపై ఎక్కువగా ఉంటుందని ఐఎండీ తెలిపింది. అలాగే గంటకు 30 నుంచి 40 కిలోమీటర్ల వేగంతో ఈదురుగాలులు వీస్తాయని తెలిపింది. ప్రస్తుతం తెలంగాణలో 15 జిల్లాలకు ఎల్లో అలర్ట్ కొనసాగుతోంది. ఆదిలాబాద్, కొమురం భీమ్, ఆసిఫాబాద్, మంచిర్యాల, నిర్మల్, నిజామాబాద్, జగిత్యాల, సిరిసిల్ల, ములుగు, కొత్తగూడెం, సిద్ధిపేట, రంగారెడ్డి, సంగారెడ్డి, మెదక్, కామారెడ్డి జిల్లాల్లో భారీ వర్షాలు కురుస్తాయని, హైదరాబాద్ లో మోస్తరు వర్షం కురవవచ్చని ఐఎండీ అంచనా వేసింది.