భారత్ లో కోరలు చాస్తోన్న కరోనా.. 12 రాష్ట్రాల్లో పెరిగిన పాజిటివ్ కేసులు !

తాజాగా కేంద్ర, వైద్య ఆరోగ్య శాఖ కరోనా బులెటిన్ విడుదల చేసింది. దాని ప్రకారం.. గడిచిన 24 గంటల్లో దేశ వ్యాప్తంగా 3.02 లక్షల మందికి కరోనా పరీక్షలు చేయగా.. 2,541 మందికి పాజిటివ్ గా నిర్థారణ అయింది. ఇదే సమయంలో 1862 మంది మహమ్మారి నుంచి కోలుకోగా.. 30 మంది మృతి చెందారు. తాజా మృతులతో కలిపి ఇప్పటి వరకు చనిపోయిన వారి సంఖ్య 5,22,223కి చేరుకుంది. ప్రస్తుతం దేశంలో 16,522 యాక్టివ్ కేసులు ఉన్నాయి. ఇప్పటి వరకు 187 కోట్ల కరోనా వ్యాక్సిన్ డోసులను పంపిణీ చేశారు. కాగా.. గడిచిన వారంరోజులుగా దేశంలో నమోదవుతున్న కేసులను పరిశీలిస్తే.. 12 రాష్ట్రాల్లా పాజిటివ్ కేసులు క్రమంగా పెరుగుతున్నాయి. కేసుల పెరుగుదలతో ప్రజల్లో ఆందోళన వ్యక్తమవుతోంది.