అందుకే మావోయిస్టు ఆర్కే భార్యను అరెస్ట్ చేశాం : ఎన్ఐఏ

మావోయిస్టు, దివంగత ఆర్కే భార్య శిరీషను అరెస్టు చేసినట్లుగా జాతీయ దర్యాప్తు సంస్థ (ఎన్ఐఏ) అధికారికంగా ప్రకటించింది. ఛత్తీస్ గఢ్ లోని తిరియా గ్రామ సమీపంలో ఆరుగురు మావోయిస్టులు, ఒక పౌరుడు మరణించిన భద్రతా దళాలపై (మావోయిస్టు) సీపీఐ దాడికి సంబంధించి జాతీయ దర్యాప్తు సంస్థ ఇద్దరు వ్యక్తులను శుక్రవారం అరెస్టు చేసింది. శిరీష తో పాటు దడ్డు ప్రభాకర్ ను కూడా అరెస్టు చేశామని వెల్లడించింది. ఎన్ కౌంటర్ లో దొరికిన ఆర్కే డైరీ ఆధారంగా వీరిద్దరిపై కేసు నమోదు చేసి అరెస్టు చేశామని ఎన్ఐఏ వెల్లడించింది. అరెస్టు చేసిన ఇద్దరూ నిషేధిత సంస్థ యొక్క దేశ వ్యతిరేక కార్యకలాపాలను ప్రోత్సహించడానికి , విస్తరించడానికి సిపిఐ అగ్ర నాయకులతో కలిసి పని చేస్తున్నారని ఎన్ఐఏ ఆరోపించింది. మావోయిస్టు కార్యకర్తల కార్యకలాపాలకు సంబంధించిన అనేక నేరారోపణలను గతంలో ఇద్దరి ఇండ్లలో ఎన్ఐఏ సోదాలు నిర్వహించి స్వాధీనం చేసుకుంది. అరెస్టు చేసిన శిరీష అలియాస్ పద్మక్క, దుడ్డు ప్రభాకర్ అలియాస్ అజయ్ అలియాస్ డిపీ వివిధ ఫ్రంటల్ సంస్థలలో పనిచేస్తున్నారు.